Latest topics

Kahi Unkahi Baatain ( Last part updated)

View previous topic View next topic Go down

Kahi Unkahi Baatain ( Last part updated)

Post by waniya_fatima on 2013-09-05, 10:20

2 updated[You must be registered and logged in to see this image.]
 
I was late for the class already so rushing towards my lecture room.o God car ko bhi aaj hi kharaab hona tha. Just then I fall down on the ground.that was so sudden I couldn’t understand what’s going on.
 
Then I heard some voices coming 4m my back………………..
 
1st girl: ab kia ho ga.yeh kahaan say a gaye yahaan.
 
2nd girl: aaj to tu gayi yaar.
 
Then the voice came i was listening 4m my last 26yrs.
 
Don’t worry main hun na main kcuh nahi honay dun gi abhi jati hun ok tum loog yahaan ruko.
 
Main hasnay laga kiyun kay janta tha kay ab agay kia ho ga aysa hi to hota aya tha saloon say so mujhay is ki adapt si ho gayi hai.
 
She came right infront of me luking down she said sorry wo actually yeh aap kay liyay nahi rakha tha kisi aur ko girana tha mager aap achaanak a gaye.plz aap iunko muaff kar dain plzzzzzzzzzzzz mairay liyay aur mainay jab us ki taraf daikha to muskuradia. kehna kuch aur tha aur kaha its ok koi baat nahi.aysa to har baar hota hai na har baar ussay kuch kehnay ki ya mujhay kuch sunnay ki zaroorat hi nahi thi.wo yeh sab explaination nab hi daiti to main yehi kehta!!!! its ok.
 
She smiled nd ran towards her group.daikha mainay kaha tha na.
 
Main Zauraiz shah jab pehli baar usay daikha tha tab bhi yehi hoa tha logoon ki bheer main wo buhat parayshaan thi ro rahi thi mager jab mairay pass ayi to aik dam say chup kar gayi.
 
Mujhay aaj bhi yaad hai wo din. us din main buhat excited tha ghar jaldi janay kay liyay. dad nay bataya tha kay uncle zubair (jo dad kay childhood best frnd thay aur humaray ghar kay sath hi rehtay thay) kay ghar baby girl ayi hai. Mujhay bas ghar janay ki jaldi thi is liyay driver ko kaha kay mujhay ghar ki bajayay uncle zubair kay ghar drop kar do.
 
Jaisay hi main enter kia ghar main buhat hajoom tha sab ayay thay uncle ko mubarik dainay aysay main mainay daikha wo roti ja rahi thi main ussay daikhnay agay gaya aur us ko lay kay side pay agaya jahaan hajoom ziyada nahi tha mairi goodh main atay hi wo chup ho gayi.
 
 
Uncle zubair: daikho kaisay chup ho gayi hai Zauraiz kay pass jatay hi.
 
Dad: aur main is baat pay hairaan hun kay yeh itnay chootay bachay uthata nahi hai aaj kaisay pakar lia.
 
Uncle zubair:humara beeta hi is ka naam rakkay ga ab bolo Zauraiz aap kia keh kar pukarain gay baby ko.
 
Mainay jab us ki taraf daikha to bas aik hi naam zehan main aya durriya main is ka naam durriya rakhoon ga.durria means a wonderful pearl so aaj say yeh mairi dia hai sirf mairi dia.
 
Sab mairi is baat pay hasnay lagay kiyun kay main us wact sirf 6yrs ka tha main shayad khud bhi nahi janta tha mainay kia kaha tha.
 
Mager jaisay jaisay time guzarta gaya yeh baat such hoi wo mairay liyay kia thi yeh shayd mainay kabhi us ko bataya nahi tha us ko kia batata mainay khud bhi nahi jana tha shayad kuch batayin kahi nahi jati… unkahi batoon main bhi to aik matlab posheeda hota hai na?
 
Miray dad ka naam fahad shah tha aur mom ka naam lubna shah ghar main bas hum 3 loog hi thay main akaila beeta tha apnay parents ka.
 
Aysa hi durriya I mean dia kay sath bhi tha dia uncle zubair aur aunty alina ki aklooti beeti thi aur buhat ladli bhi wo bas unki nahi sab ki ladli thi apnay parents say ziyada wo mairay parents ki ladli thi wo jo chahay jab chahay us ko milta tha aysa nahi tha kay main apnay parents ka ladla nahi tha mager main shuru say hi aysa tha thora hamoosh sa thora serious mujhay ager kuch cahyay hota tha to main kehta nahi tha jabkay durriay aasmaan sir pay utha laiti thi ager us ki koi cheez nahi ati thi.
 
Zauraiz matlab ray of light aur dia mairi zindagi ko roushan karti thi. Bachpan main jab koi us say us ka naam poochta to wokehti kay maira naam durria zubair ha imager main zauri ki dia hun. Sab is baat pay hans daitay mager wo sab ko yehi kehti phirti thi.sab kay lakh kehnay kay bawajood wo mujhay bhai nahi kehti thi zauri hi kehti thi.
 
Wo aysi hi thi sharaarti nutkhut si ager ghar main hoti thi to chillati phirti thi koi bhi uskay pranks say bach nahi paya tha aaj tak aur mujh par to wo ziyada hi meharbaan thi.
 
Dia ko mairay ghar anay kay liye kisi rouk touk ki zarorat nahi thi us ka jab dil karta tha ati thi aur mom kay sath kitchen main ghus kay ghantoon recipes pochti rehti thi jabkay kitchen main us ko kaam karna bikul pasand nahi tha.
 
 
 
Undino main ghar pay hi tha kiyun kay college off tha aur holidays kay baad exams thay so mairay kuch dost combine studies kay liye ghar aaye thay.so mom humaray liyay drink bana rahi thin dia kehnay lagi mom ( dia mairi mom ko mom hi kehti thi)kia kar rahi hain aap?
 
Mom: beeta Zauraiz kay dost ayay hain na sooha kuch peenay ko day dun kitni garmi hai aaj.
 
Dia: ohhhhhhhhhhhhhhhh acha so aap rehnay dain main hun na mom main karti hun yeh kaam.
 
Mom: tumkar lo gi beta.
 
Dia: array mom aap fiqar kiyun karti hain main sab kar lun gi aur day bhi ayoon gi zauri ko.
 
Mom: chalo gud tum yeh kar do main abhi ati hun shanno( servant) say kuch kaam hi karwa lun najanay kab say beethi hai farig.
 
Dia aur shararat na karay bas is wact bhi kuch aysa hi chal raha tha us kay dimagh main aur lay ayi humaray liyay drink room main.
 
Dia: hello.
 
Zauraiz: dia tum kab ayi?
 
Dia: main abhi ayi mom nay aap logoon kay liye yeh bhaija hai.
 
Maira aik dost jaisay hi glass uthanay laga she said o no plzzz yeh wala nahi yeh zauri ka hai .
 
Friend: kiyun bhi yeh kia special hai.
 
Dia: pata nahi mom nay kaha tha array aap loog baqi lain na zauri yeh aap ka.
 
Main janta tha kuch gar bar to zaroor hai mager chup raha aur jaisay hi mainay drink piya I coughed badly.
 
My all frnds kia hoa yaar kia hoa tu theik hai na?
 
I luked at her and understood yeh sab issi ka mazaaq hai zaror.
 
Zauraiz: kuch nahi yaar bas kuch meetha ziyada hai drink main.
 
Actually us drink main meethay ki bajaye salt tha. Bilkul karwa tha wo drink.
 
Us din sab dostoon kay janay kay baad dia mairay pass ayi.
 
Dia: Zauri (wo aysay hi mairay room main ati thi bagair knock kiye aur mainay ussay kabhi mana nahi kia tha) aap free hain abhi?
 
Zauraiz: haan batao kia baat hai?
 
Dia: kuch nahi yeh chemistry mujhay samajh nahi a rahi hai so plzzzzzzz samjha dain na.
 
Zauraiz:mainay jaisay hi book open ki us main note tha sorry ka main muskura dia.
 
Dia: is ka matlab aap khafa nahi mujh say?
 
Zauraiz: mainay kab kaha dia kay main naraaz tha?
 
Dia: us wact mujhay laga aap nay kuch nahi kaha aap yaqeenan buhat gussa hun gay mager aysay hi mainay apna sorry zaya kia chalain wapis dain mairi sorry.
 
Shararat kay liye ussay kisi moukay ki talaash nahi karni parti thi bas ussay mil jata tha har cheez main mouka.subha mairay room main ana aur mujh pay pani daal kay kehna chalain mujhay school ya college chorain main late ho rahi hun. Kuch prob honay to hath pakar kay sath lay jana kehna maira kaam is wact ziyada important hai ok.aur ager kisi bast pay naraaz hona to chopnay kay liye bhi maira room hi tha.movies daikhna mairay room main shararat plan karna frnds kay sath mairay room main aur sab samaan bikhair daina yahaan say wahaan.aur to aur chocolates kay rapper bhi mairay bed kay neechay hi paye jatay thay.
 
Pata nahi kab bachpan chala gaya aur kab hum baray ho gaye wact kitni teezi say guzar jata hai na aaj bhi jab main soochta hun apni zindagi kay baray main to aysa lagta hai kay koi khuwaab ho.koi khubsoorat khuwaab.

End of part 1


Last edited by waniya_fatima on 2013-09-07, 09:58; edited 2 times in total

waniya_fatima
Newbie
Newbie

Posts : 69
Join date : 2013-02-12

Back to top Go down

Re: Kahi Unkahi Baatain ( Last part updated)

Post by waniya_fatima on 2013-09-06, 10:24

Mian indono national college of arts main parh raha tha aur final year ka student tha .dia ko bhi arts main buhat interest tha so uncle aunty nay usko yahin admission lay dia 1st year main.
 
Yahaan bhi wo waisi hi thi saray college main yeh keh kay dadagiri karti phirti thi kay ager kuch kia tu zauri ko bata dun gi phir zauri tum say nipat lain gay samjhay.
 
Us ki yeh shaitaniyaan rooz barhti ja rahi thi us din bhi wo kisi larkay ko giranay kay chakkar main thi aur main wahaan jaldi main gir gaya.
 
Usko jatay hoay door tak yunhi daikhta raha. Bina yeh khayaal kiye kay already class kay liye late tha.
 
 
 
 Shaam main jab ghar puhancha to thak gaya tha. Final thesis nay to thaka kay rakh diya hai. Main seedha room main gaya aur fresh honay kay baad project ko daikhnay laga. Kuch kaam abhi bhi baqi tha to wo karnay beeth gaya aur as usual dia knock kiye bina under agayi.
 
Dia: wow zauri kia concept hai aap ka final thesis project hai na yeh?
 
Zauraiz: haan bas ussi kay liye kuch kaam kar raha hun.tum batao is main kia change chalay ga?
 
Dia: ummmmm yeh color nahi yeh wala background main kam hai kuch.red ko point out kia us nay.zauri aap paint karna kabhi mat chorye ga plz mairay liye.
 
(uskay agay kuch kehnay ki zaroorat hi nahi rahi thi … bus uska mairay liye keh daina hi kafi tha)main us ki taraf daikh kay muskura dia.(mairi inspiration wohi to thi mager wo yeh janti thi shayad. Yeh bhi mainay khud hi assume kia). Wo alag baat hai main yeh nahi janta tha… kabhi beth kay soocha nahi khud ko itna samjha nahi. Shayad isliye buhat si baatian unkahi reh gayi.
 
Zindagi main humjo soochtay hain wo hota nahi hai aur jo hota hai us kay baray main hum nay kabhi soocha nahi hota aysa hi kuch humaray sath bhi hoa mainay mano jaisay yeh samajh lia tha kay dia mairi hi hai main jo us kay baray main feel karta hun us ko kahun ya na kahun wo janti hai samajhti hai kay main kia cahta hun. Mager nahi aysa nahi hai kuch izhaar alfaaz maangatay hain.main Zauraiz shah jo Rangoon say khailna khoob janta tha mager apni zindagi main rang na bhar paya.(piyaar ka)
 
Us din Sunday tha jab uncle aur dad kafi dair say beethay polictics pay discussion kar rahay thay.mainay bhi unko join kia. Itnay main dia ayi aur shoor machati idhar udhar phirnay lagyi.
 
Uncle: dia aap itna shoor kiyun macha rahi hain beeta?
 
Dia: kiyun papa kia hoa?
 
Uncle: beeta acha nahi lagta aap baray ho gaye ho na.
 
Dia: papa mom nay ya dad nay mujhay kabhi nahi mana kia kiyun dad ( wo mairay dad say poochnay lagyi).
 
Uncle: uffffo beeta main yeh nahi keh raha tha.
 
Dia: rehnay dain papa pata nahi aap kia baat kar rahay hain abhi main mom kay pass ja rahi hun.
 
Uncle: pata nahi is ko kaisay samjhaoon kal ko is ki shadi honi hai aur jis ghar main yeh jaye gi ho saqta hai is ko itni azadi na milay samajh nahi ata kia ho ga is ka?
 
Dad: zubair to nay kcuh dia kay baray main baat karni thi kia baat thi?
 
Uncle: yaar wo sikandar yaad hai tumhian?
 
Dad; haan haan wo jo humaray sath university main tha?
 
Uncle: haan wohi kuch din pehlay hi mujhay aik shoping mall main mila aur ghar ka address maanga.kal wo ghar aya tha aur dia ko daikh kay kehnay laga kay main sooch raha hun apnay beetay kay liye dia ko maang lun. Mujhay kuch samahh nahi arahi hai yaar us ko kia jawaab dun.aap kaho Zauraiz kia khayaal hai is baray main aap ka?
 
Main jis nay kabhi is baray main soocha hi nahi tha kay dia kabhi is ghar kay elawa kahin aur ja saqti hai ab jab yeh baat shuru hoi to samajh na aya kay kia jawaab dun.
 
Dad mom dono yeh baat sunkay chup kar gaye. Mager shock main to main tha.
 
Us din mai yeh bhi nahi samajh paya kay uncle ka is terhaan directly mujh say baat karna poochna issliye tha kay ager main unko kuch ishara daita to wo mana kar daitay mager mainay kaha na haar baat kay izhaar kay liye alfaaz cahye hotayhain mainay yeh keh dia jaisa aap ko behtar lagay aur chala gaya wahaan say. Soocha kay uncle samajh gaye hun gay kay main nahi cahta yeh sab mager wo kaisay samajhtay mainay kaha thori tha so unko laga kay main interested nahi hun dia main.
 
Dad aur mom nay kabhi mujhay kisi baat pay force nahi kia tha so unhoon nay mujh say is pay koi baat nahi ki.aur main apni hi dhun main mast apnay khuwaboon ka tana bana bunta raha.
 
Us din kay baad mainay dia ko apnay ghar main buhat kaam daikha mager main samjha shayad us kay exams hain so wo busy ho gi.kuch apnay kaam main itna busy tha kay samajh hi na paya yeh change. Apnay final thesis ki exhibition kay liye mujhay din raat kaam karna par raha tha mujhay hoosh hi kahaan tha.
 
Shayad yehi meri galti thi. Mujhay yeh pata hi nahi chal paya kay kitna door kar raha hun ussay khud say.kitna door ho raha hun ussay… us roshni say jo meri zindagi ko rishan karti thi.
 
Kuch din kay liye mujhay out of town jana para. So main mom dad ko bata kay nikal gaya soocha kay dia ko mil loon mager jab uskay ghar gaya to wo friends kay sath market gayi thi. Mainay soocha jab wapis aoon ga to mil lun ga abhi wo busy hai.khud hi har baat ka andaaza lagana mujhay adat thi na meri.
 
 
 
 
Main chala gaya aur jab kaam khatam kar kay 4th day wapis aya.tu jaisay sab kuch badal gaya tha.sab kuch achanak…………mager mairi apni galti ki wajah say…………..
 
 
Mom: agaye beeta chalo fresh ho jao main khana laga daiti hun. kaam kaisa raha?
 
Zauraiz: g8 mom itna acha response mila paintings ka kay main aap ko kia batoon aur specially wo sab jo mainay dia kay sath mil kay banaya tha…………. Dia dia hai kahaan mom kitnay din say nazar nahi ayi kia us kay exams khatam nahi hoye abhi? Jatay hoay bhi main milnay gaya mager wo market gayi thi. Ab jab ussay bataoonga apnay exhibition ka to sara credit khud laygi I know. Call karta hun ussay…
 
Mom: luked at me and turned towards kitchen tum fresh n up ho jao beta bataain baad main kartay hain….( Wo bhi mairi hi maa thin na keh na payi apna dard). mainay bhi soocha phone pay uski khushi uskay expressions miss karoonga so acha hai khud jakay mil loon fresh honay kay baad.
 
On the table in afternoon…..
 
Mom diya nahi ayi aaj….. kab say wait kar raha hun. Soocha tha jaoonga abhi but I think mujhay ussay khud call kar kay bulana cahye…. wo us ko pata bhi hai kay main agaya hunnnn kamaal hai janay say pehlay bhi nahi mili aur  ab main aya hun tu poochnay bhi nahi ayi kay kaisa raha maira exhibition. Wahaan bhi main is kay phone ka intizaar karta raha mager soocha busy ho gi. Main abhi ata hun mom.
 
Mom: ruko Zauraiz.pehlay khana kha lo phir ja kay batain kar laina aur us ko mubarik bhi day daina.
 
Zauraiz: mubarik kis cheez ki mom kia us ka result aya hai .main hansnay laga.
 
Mom: nahi us ki baat pakki ho gayi hai.
 
Zauraiz: mujhay yaqeen nahi aya kay mainay jo suna hai wo such hai ya mom mazaaq kar rahi hain.
 
Zauraiz: mom …. Kuch lamhay mujhay such main kuch sunai nahi diya… kia keh rahi hain aap….rishat pakka dia ka…. Kaisay… matlab kab…. Kis kay sath…..aur kiyun mom yeh sab … mujhay kuch samajh nahi araha hai mom.
 
Mom; kis say wo tum jantay ho sikandar kay beetay ali say aur kab wo tumharay janay kay baad hoa aur kiyun is ka jawaab tumhain behtar pata ho akhir tumharai dost hai na dia.
 
 
 
 
Mom chali gayi aur mujhay anginat sawaloon kay sath akaila choor gayi main raat bhar yeh sooch sooch kay roota raha kay aysa kaisay ho saqta hai dia kisi aur ki kaisay ho saqti hai wo to bas mairi hai sirf mairi phir us nay haan kiyun ki kisi aur kayliye.dil yeh mannay ko tayaar hi nahi tha. Pehlay dil main aya kay dia say jakay pochoon… buhat gussa aya uspay.. phir soocha kay kahin main akaila hi nah un jo uskay liye aysa feel karta tha….

End of part 2

waniya_fatima
Newbie
Newbie

Posts : 69
Join date : 2013-02-12

Back to top Go down

Re: Kahi Unkahi Baatain ( Last part updated)

Post by waniya_fatima on 2013-09-07, 09:55

Akhir mainay khud ko yeh keh kay samjhaya kay ager dia khush hai ali kay sath rishta honay pay to main kiyun nahi dia kay liye khush ho saqta.mom nay sahi kaha hai mujhay ussay mubarik daini cahye.wo kia soochay gi mairay baray main( khud assume karnay ki bemari thi mujhay..so is baar bhi wohi kia)
 
Aglay din subha subha main jab us kay ghar gaya to serdiyoon ki dhoop main wo bahar lawn pay beethi thi ryellow simple embroidery walay suit main makeup kay bagair wo bilkul suraj ki pehli kiran lag rahi thi yeh color suit bhi buhat karta tha dia pay.shayad dhoop main beethay beethay us ki aankh lag gayi thi.
 
Main pass gaya aur bola. Hello…..
 
Us nay ankhain kholi aur us wact jis ajnabi andaaz say mujhay daikha main bata nahi saqta kia tha us ki aankhoon main kia tha jo mainay feel nahi kia mager kuch tha zaroor shikayat.nahi shikayat kis cheez ki. To phir kia naraazgi haan naraaz ho gi kay main itnay din baad aya hun ussay mubarik dainay.is baar phir mainay apni adapt say majboor khud hi andaaza laga lia.
 
Zauraiz: bhi kia hoa aysay kiyun kaat khanay wali nazroon say daiklh rahi ho manta hun bhi kay late mubarik dainay aya hun mager chalo day to raha hun na. aur naraaz to mujhay hona cahye 4 din main janaab itna bara marka aap nay sar kia bina bataye aur kahaan hai meri treat…
 
Us nay miari taraf daika mager boli kuch nahi.aur jab boli to…………… tea laoon aap kay liye.
 
Zauraiz: array kamaal hai madam mithayi layain tea kay sath aur haan mujhay ali ki pic bhi dikhao…. daikhain to kaisa dikhata hai beechara jot um say shadi kar raha hai.us ka to Allah hi bachaye.
 
Dia: aap ko us ki itni fiqar karnay ki zarorat nahi hai aap khush hain na.?
 
Zauraiz ;( main tab bhi us ki baat ko na samajh paya) haan main tumharay liye buhat khush hun…. bhi tum humari jaan choor do gi akhir.
 
Dia: itna tang karti thi main aap ko………… pehlay pata hota to shayd na karni aysa………………..us wact us ki aankhoon main kuch tha jisay main nazar andaaz kar gaya.yeh keh kay wo chali gayi aur mur kay na daikha.
 
Kuch adatain nahi badalti na.. mainay soocha shayad shadi ki wajah say senti horahi hai coz larkiyaan to aysi baatoon main emotional ho jati hain na..Us kay baad main kafi dair uncle aunty kay sath beetha baatain karta raha mager dia aik baar bhi mairay samnay na ayi.
 
Din yunhi guzartay ja rahay thay aur dia ki shadi ki tayaari ho rahi thi us kay sasuraal waloon ka kehna yehi tha kay abhi hum shadi karna cahtay hain kiyun kay ali ko job kay liye bahar jana tha.mager dia shadi kay baad bhi parh saqti hai.
 
Us din kay baad mainay dia ko apnay ghar nahi daikha mainay kafi dafa mom say is baray main baat karnay ki koshish k imager koi jawaab nahi mila. Aur phir aik din jab mom aur aunty kahin jweller kay pass ja rahi thein.
 
Mom: Zauraiz beeta dia ghar main akaili hai khayaal rakhna zara ok.
 
Zauraiz: kiyun wo aap kay sath nahi ja rahi hai.
 
Aunty: nahi beeta bas ussay kuch flu hai to mainay kaha kay araam karo ghar pay.
 
Unkay janay kay baad mainay soocha kay chalo us ki tabiyat hi pooch lun.main us kay kamray main gaya to wo room main nahi thi aysay hi main us kay bed pay beeth gaya aur pass mujhay aik diary mili.
 
Jis pay likha tha “Kahi Ankahi Baatain”



 

Main nahi janta tha kay yeh dia ki personal diary hai aur mian utha kay parhnay laga.
 
Jaisay hi mainay pehlay page open kai us pay 1st Jan 2000 ki date thi.
 
Aaj main buhat khush hun aaj maira 11th b’day tha aur yeh diary mujhay papa nay gift ki hai mainay soocha hai kay main is main har wo baat likhoon gi jo main kisi ko kehna cahti hun mager keh nahi pati hun.so ab say yeh diary bhi mairi frnd hai.ofcourse zauri kay baad.
 
Next page…………
 
Aaj maira mood buhat kharaab tha paper theik nahi hoa na mager phir mujhay kisi nay samjhaya kay ager aaj acha nahi hoa to is ka yeh matlab nahi hai kay main is baat ki tension main next paper kharaab kar lun balkay mjhay us paper ko bhula kay us kay marks bhi is next paper main pooray karnay hain.aysi baat zauri hi kar saqtay thay.
 
 
Next page……………..
 
Aaj eid ka din hai aur main buhat khush hun kiyun kay mujhay mom dad papa mama kay elawa bhi kisi nay eidi di hai.jo mairay liye buhat special hai.
 
Main issi terhaan page pay page turn karta raha us main har jagah sirf main hi main tha har wo pal har lamha har jazba sirf mairay say munsalik hi tha kuch pal kay liye mujhay laga mainay apni sari zindagi apnay samnay jee li dobara…..aur finally main 2nd last page pay puhanch gaya………
 
Wo chalay gaye wo kaisay ja saqtay hain aysay mujhay bagair bataye bagair kuch kahay aaj papa nay mujh say akay ali kay baray main baat ki main nahi janti kay main kia jawaab dun main nahi cahti kay main us ghar klay elawa kisi aur ghar main jaoon mager main kia karun papa kehtay hainkay beeta ager us ko kuch kehna hota to wo zaroor kuch aysi baat karta yaqeen karo mairi khuwaish bhi yehi thi kay main tumhain us ghr main bhajoon infact tumharay dad mom ki bhi.Mager beeta shayad wo aysa nahi soochta aur hum us ko majboor to nahi kar saqtay na?
 
Yeh parhtay hi mainay date parhi wo date ecactly mairay janay kay next day kit hi.
 
Us kay baad mainay last page turn kia……………..
 
Wo kehtay hain kay main shukar hai chali jaoon gi kia unko such main koi faraq nahi parta. Kia main galat thi jo unkay baray main aysa soochti thi.Laikin ager parta to wo kehtay to sahi na. mager kia mainay itnay saloon main wo sab galat samjha mujhay laga main unki aankoon main daikh saqti hun parh saqti hun unkay dil ki har baat mager main galat thi. Is liye mainay unsay kuch nahi kaha aur unkay pass jana is liye choor dia kay kahin unko mairay jazboon ki khabar na ho jaye.
 
Main aaj kay baad is diary main kuch nahi likhoon gi yeh maira last page hai.
 
Main is poem kay sath apni diary khatam karti hun.apni us muhabbat kay naam jo dosti say kuch bar kar hai mager shayed sirf mairay liye.
 
 
Muhabbat hum bhi kar lene gay
Yeh galti tum bhi kar lena
Chalo tum hi say kar lain gay
Kisi say tum bhi kar lena
Tumhain hum dost kehtay hain
Chalo aik mashwara dengay
Muhabbat tum nay karni hai
 
Suno!!!!!!!! hum hi say kar laina…………
 
Just then I heard dia’s voice and she snatched her diary 4m me.
 
Aap yahaan kab aye aur yeh aap nay mujh say poochnay bagir kiyun parhi?
 
Mujhay khud kuch samajh nahi rahi thi kay mainay kia parha hai ya yeh keh lain kay ager insaan jo cahta ho wo achanak mil jaye to yaqeen nahi hota main bas chup chaap yuni dia ko daikhay ja raha tha. Aur us ko yeh laga kay shayad mainay diary nahi parhi hai.

 

Main wahaan say chala gaya. Kuch bolnay ya kehnay ki positin main hi nahi.main kitna galat tha main yeh samjhta raha kay dia dia mairay bagair khush rahay gi. Us ki to har khushi mujh say shuru ho kay mujh pay hi khatam hoti hai mainay kaisay yeh soocha kay wo kisi aur ki honay ko raazi ho jaye gi. Haan yeh main hi tha jis nay dia ko yeh ehsaas dilaya kay main us ko nahi cahta. Mager ab ab main kia karun. Ab to………………. Mujhay jaldi hi kuch karna ho ga is say pehlay kay aur dair ho jaye.
 
Main khara ho gaya mazboot iraday kay sath………
 
Mom dad even uncle aunty say baat karna mairay liye koi masla nahi tha main jan chukka tha kay unki bhi yehi khuwasih hai hum sab nay mil kay dia ko bataye bagair sab kuch handle kar lia. Though uncle sikandar ko raazi karna mushki trha mager mainay yeh kia apni dia kay liye.
 
Aaj 13th Feb2008 aaj ka din wo din hai jis ka mainay shayad saloon say intizaar kia tha jissay mnainay khuwaboon main daikha to tha mager mainay us kay liye kabhi koshish nahi ki mainay apnay jazboon ko khud tak mehdood rakha. Manta hun yeh galti mainay ki mager shukar kay sahi wact pay mairi dunya andheray main doobnay say bach gayi.
 
Aaj dia ki mehndi hai mager us kay hath pay ali ki nahi mairay naam ki mehndi lagay gi yeh baat hum nay dia ko nahi batayi hai main us ko surprise daina cahta tha aur kuch aap keh lain kay adapt say mujboor na kehnay ki. Mager mainay yeh faisla kia hai kay aaj main us ko sab bata dun ga sab kuch aaj raat 12 bajay kiyun kay kal mairi shadi hai.
 
Dia mehndi pay chup chaap beethi thi .infact mainay apnay hathoon say usko mendi lagayi unsay aik baar bhi mujhay nahi roka.mainay buhat baar koshish ki kay main us say baat karun mager wo jaisay kuch daikh ya sun hi nahi rahi thi.aur phir…………………achanak bayhoosh ho gayi.
 
Doctor nay kaha kay mental exertion ki wajah say hoa hai.dia ko hoosh a gaya tha. Mainay uncle aunty say ijazat kay kay dia ka room main gaya.
 
Wo chup chaap laitay apnay hath ko daikh rahi thi.
 
Zauraiz: to kis ka naam mila aap ko apnay hath main.mainay buhat daihaan say likha hai dhoondo zara?
 
Dia: aap yahaan ?plz Zauraiz aap yahaan say chalain jayain is wact.
 
Zauraiz: kia kia Zauraiz o plz dia tumharay moun say zauri hi acha lagta hai.
 
Dia: ab kitnay din main aap ko yeh keh paoon gi, baad main aap ko koi nahi kahay ga na yeh to acha hai abhi aap mujh say bhi sunnay ki adapt daal lain.
 
Zauraiz ( pata nahi kiyun mage aaj ussay buhat satanay ka mood tha yun kahin sara badla aaj chukana tha) mainay kaha khair us ka mouka aap ko sari umar kay liye dia jata hai dia.
 
Dia: ji nahi cahye aapka mouka aapka taras aapka concern… apnay pass rakhian plz….
 
Zauraiz: array aysay kaisay dia….
 
Main to bus yeh poochnay aya that um say kay baad main maira room ganda to nahi karo gi na daikho mujhay cheezain bikhri bilkul pasand nahi hain. Aur haan subha ager mujh pay pani dala na to daikhna pora bath tub main bitha dun ga tumhian.
 
Dia: stud up nd came closer to me plzzz zauri plz aap is wact yahaan say chalain jayain she started crying.
 
I cuped her face in my hands. Just luk at me dia…………………… array itnay main haar maan gayi mainay to sari umer tumhari sheetaniyaan bardasht ki hain khushi khushi aur ab agay bhi main hi bakra banoon ga.
 
Dia: haan to ja rahi hun na mian……..she stopped kia kia kaha aap nay kon bakra banay ga kon bardhasht karay ga mujhay?
 
Zauraiz: sorry dia mager ab main ja raha hun tum nay khud to kaha so ab main aap ko kal miloon ga Mrs Zauraiz Shah. Waisay dia Shadi kay baad yehi kehalwana hai na ya zauri shah kahain loog tumhain?
 
I winked my eye and she was stunned … (hona bhi cahye bhi… ussay kai pata tha is moment kay liye kia kia papar belay hain mainay…. But ofcourse sab baray stah thay mushkil nahi hoi)
 
Yeh keh kay main us ko unginat sawaloon kay sath under choor aya mager is waday kay sath kay kal raat jab tum mairi ho jao gi sirf mari to I promise main koi baat adhoori nahi rehnay dun ga kuch bhi nahi wo saray pal sari batayin saari feelings sab share karun ga yeh keh lo kay hum wo sab unkahi batoon ko kahin gay jinhay hun nay kaha nahi in 26 saloon main bhi.kal raat Zauraiz shah kuch ankaha nahi rehnay day ga dia.

Last part
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

waniya_fatima
Newbie
Newbie

Posts : 69
Join date : 2013-02-12

Back to top Go down

Re: Kahi Unkahi Baatain ( Last part updated)

Post by rrekha on 2013-09-07, 11:11

hi 

I liked ur ss.

But pls try to give English translation so that it will be easy to read.

Keep continuing your works.

Thanks

rrekha
Newbie
Newbie

Posts : 52
Join date : 2013-03-05
Location : Manchestar (of SouthIndia)

Back to top Go down

Re: Kahi Unkahi Baatain ( Last part updated)

Post by Sponsored content Today at 04:43


Sponsored content


Back to top Go down

View previous topic View next topic Back to top


 
Permissions in this forum:
You cannot reply to topics in this forum